.

ویڈیو: یمن کے مغربی علاقے میں حوثی ملیشیا کے 7 نشانچیوں کی ہلاکت

پہلی اشاعت: آخری اپ ڈیٹ:

یمن میں گذشتہ چار روز کے دوران میں مغربی ساحل کے محاذوں پر یمنی فوج کے ہاتھوں حوثی ملیشیا کے 7 نشانچی مارے گئے۔

مشترکہ افواج کے عسکری ذرائع نے جمعے کے روز بتایا کہ ایران کی حمایت یافتہ دہشت گرد حوثی ملیشیا نے نشانچیوں کی ایک نئی کھیپ الحدیدہ صوبے کے ضلع التحیتا میں کھیتوں کے بیچ تعینات کی تھی۔ اس کا مقصد پہاڑی علاقے کو نشانہ بنانا ہے۔

ذرائع کے مطابق یمنی فوج کے خصوصی یونٹ نے حوثی ملیشیا کے 7 نشانچیوں کو موت کی نیند سلا دیا جو دیہات اور شہریوں کے کھیتوں کو نشانہ بنا رہے تھے۔ علاوہ ازیں انہوں نے مشترکہ افواج سے مربوط یونٹوں کے ٹھکانوں پر بھی حملے کی کوششیں کیں۔

مشترکہ افواج کے عسکری میڈیا ونگ کی جانب سے جاری وڈیو میں حوثی ملیشیا کے نشانچیوں کو فائرنگ کا نشانہ بنتے ہوئے دیکھا جا سکتا ہے۔