کرونا ایس او پیز کی خلاف ورزی پر سنیپ چیٹ کی مشہور شخصیات کے خلاف قانونی کارروائی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کی وزارت تجارت نے کرونا پر قابو پانے کے لیے وضع کردہ ضوابط کی خلاف ورزیوں پر سنیپ چیٹ کی سات مشہور شخصیات کے کیس وزارت داخلہ کو بھجوا دیے-

ان لائن نیوز پورٹل ’سبق‘کے مطابق وزارت تجارت نے سات تجارتی اداروں پر پابندیاں لگا رکھی تھیں- چار مشہور خواتین اور تین معروف شخصیات نے متعلقہ تجارتی اداروں کے عوامی پروگراموں میں شرکت کرکے سماجی فاصلے کی پابندی اور بھیڑ بھاڑ سے ممانعت کی خلاف ورزی کی-

مشہور شخصیات نے گھڑیوں، ملبوسات، فرنیچر کے شو رومز اور ریستورانوں نیز کار کی مرمت سینٹر پہنچ کر بھیڑ بھاڑ میں حصہ لیا- وزارت تجارت نے خلاف ورزیوں کے معاملات براہ راست وزارت داخلہ کو بھیج دیے-

وزارت تجارت کا کہنا ہے کہ مشہور شخصیات نہ صرف یہ کہ کرونا ایس او پیز کی خلاف ورزی کی مرتکب ہوئیں انہوں نے عوامی پروگرام میں شرکت کرکے غیر ذمہ دارانہ رویے کا اظہار کیا جبکہ ان کی وجہ سے صحت مسائل میں بھی اضافہ ہوا-

مقبول خبریں اہم خبریں

مقبول خبریں