بائیڈن انتظامیہ یو اے ای کے ساتھ دفاعی معاہدوں کی تکمیل کے لئے کوشاں

پہلی اشاعت: آخری اپ ڈیٹ:
مطالعہ موڈ چلائیں
100% Font Size

امریکی صدر جو بائیڈن کی انتظامیہ نے کانگریس کو مطلع کیاہے کہ متحدہ عرب امارات کے ساتھ 23 ارب ڈالر کے معاہدوں پر عمل درآمد کیا جارہا ہے۔ ان معاہدوں میں جدید ترین ایف 35 طیاروں، ڈرون طیاروں اور دیگر دفاعی و حربی سامان کی خریداری شامل ہے۔

امریکی محکمہ خارجہ کے ایک ترجمان کے مطابق امریکی انتظامیہ یو اے ای کے ساتھ ہونے والے دفاعی معاہدوں کو پورا کرنے کے لئے اقدامات اٹھا رہی ہے۔ بیان میں مزید کہا گیا کہ معاہدے کی تفصیلات پر نظر ثانی کی جارہی ہے اور ان ہتھیاروں کے استعمال کے حوالے سے اماراتی حکام سے مشاورت بھی جاری ہے۔

امریکا میں ڈیموکریٹک پارٹی کے صدر جو بائیڈن نے کرسی صدارت سنبھالنے کے بعد ریپبلکن پارٹی کے سابق صدر ڈونلڈ ٹرمپ کی جانب سے کئے جانے والے معاہدوں کو نظر ثانی کے لئے روک دیا تھا۔

ڈونلڈ ٹرمپ کی انتظامیہ نے متحدہ عرب امارات کی جانب سے اسرائیل کے ساتھ سفارتی تعلقات کے قیام کے بعد یو اے ای کو ہتھیاروں کی فروخت کے معاہدے کی پچھلے سال نومبر میں توثیق کر دی تھی۔

یو اے ای اور امریکا کے درمیان 23٫37 ارب ڈالر کے معاہدے میں 50 ایف 35 جنگی طیارے، 18 MQ-9B ڈرون طیارے اور فضاء سے فضاء اور فضاء سے زمین کو نشانہ بنانے والے میزائل شامل ہیں۔

متحدہ عرب امارات کو ان ہتھیاروں کی فروخت کا ایک بل دسمبر میں کانگریس میں لایا گیا تھا جسے ریپبلکن پارٹی کے ارکان نے ناکام بنا دیا تھا۔

مقبول خبریں اہم خبریں