عراق میں کرد ذرائع نے اس اس بات کی تصدیق کی ہے کہ ترکی کے جنگی طیاروں نے اتوار اور پیر کی درمیانی شب العمادیہ ضلع میں کرد دیہات کو بم باری کا نشانہ بنایا۔
ذرائع کے مطابق ترکی کی فضائیہ کے طیاروں نے 7 دیہات پر بم باری کرتے ہوئے کردستان ورکرز پارٹی کے ٹھکانوں پر حملہ کیا۔
ابھی تک ان حملوں کے نتیجے میں ہونے والے نقصان کا معلوم نہیں ہو سکا۔
اس سے قبل جمعرات کے روز ترکی کی وزارت دفاع نے کہا تھا کہ شمالی عراق میں ترکی کے ایک فوجی اڈے کو راکٹ حملے سے نشانہ بنایا گیا۔ اس کے نتیجے میں ایک ترک فوجی ہلاک اور نزدیکی گاؤں میں ایک بچہ زخمی ہو گیا۔
وزارت دفاع کے بیان میں بتایا گیا کہ بعشیقہ کے علاقے میں واقع فوجی اڈے پر بدھ کی شب تین راکٹ داغے گئے تھے۔ ان میں ایک راکٹ اڈے پر اور بقیہ دو نزدیک واقع ایک گاؤں میں گرے۔
ترکی کی فوج کالعدم تنظیم 'کردستان ورکرز پارٹی' کے مسلح عناصر کے خلاف لڑائی میں مصروف ہے۔ تنظیم کے شمالی عراق میں مراکز موجود ہیں۔

ترکی ، امریکا اور یورپی یونین اس تنظیم کو دہشت گرد جماعت کا درجہ دے چکے ہیں۔ یہ تنظیم 1984ء سے ترکی کے خلاف مسلح بغاوت میں مصروف ہے۔ اس تنازع میں اب تک ہزاروں افراد اپنی جانوں سے ہاتھ دھو چکے ہیں۔
-
ترکی کے لڑاکا طیاروں کی شمالی عراق میں کردوں کے گاؤں پر بم باری
ترکی کے جنگی طیاروں کی جانب سے عراق کے شمال میں ایک سرحدی کرد گاؤں کو بم باری کا نشانہ بنایا گیا ہے۔ العربیہ اور الحدث نیوز چینلوں کے نمائندے کے مطابق ... مشرق وسطی -
عراقی کردستان کے صوبے دہوک میں ترکی کی فوجی مداخلت انسانی بحران کا سبب
عراقی کردستان میں دھوک صوبے کے شمال میں واقع سرحدی دیہات پر ترکی کی بم باری کے نتیجے میں بڑے پیمانے پر مادی نقصان پہنچا ہے۔ ایک مقامی ذمے دار کے مطابق ... مشرق وسطی -
شمالی عراق میں کرد عسکریت پسندوں کا حملہ، ترکی کے 2 فوجی ہلاک
ترکی نے جمعے کے روز ایک اعلان میں بتایا ہے کہ عراق کے ساتھ سرحد پر اس کے دو فوجی ہلاک اور ایک زخمی ہو گیا۔ واضح رہے کہ عراق کی جانب سے سرکاری سطح پر ... مشرق وسطی