سعودی نائب وزیر حج کے سامنے حجاج کی خدمات سے متعلق کمپنیوں کے معاہدوں پر دستخط

سعودی عرب میں نائب وزیر حج و عمرہ ڈاکٹر عبدالفتاح بن سلیمان مشاط نے اتوار کے روز ترکی، یورپ، امریکا اور آسٹریلیا کے حجاج کے متعلقہ اسٹیبلشمنٹ ادارے اور عرب ممالک کے حجاج کے متعلقہ اسٹیبلشمنٹ ادارے کا دورہ کیا۔

دورے کا مقصد حجاج کرام کو خدمات پیش کرنے والی کمپنیوں کے خصوصی تاسیسی سمجھوتوں پر دستخط کی کارروائی میں شرکت کرنا اور ان کی منظوری دینا تھا۔ نائب وزیر نے مکہ مکرمہ میں اسٹیبلشمنٹ اداروں کے صدر دفاتر میں تیاریوں اور حفاظتی تدابیر پر عمل درامد کے حوالے سے آگاہی بھی حاصل کی۔

سعودی سرکاری خبر رساں ایجنسی (ایس پی اے) کے مطابق عبدالفتاح مشاط نے اپنے دورے میں اس بات پر زور دیا کہ حجاج کو خدمات پیش کرنے والی تمام کمپنیوں کے تاسیسی معاہدوں پر دستخط سے متعلقہ تمام اقدامات کو آسان بنانے کی ضرورت ہے۔

اس کا مقصد اللہ کے مہمانوں کو پیش کردہ خدمات کے معیار کا ارتقا اور ویژن 2030ء کی روشنی میں حج نظام میں شفافیت اور گورننس کی سطح کو بڑھانا ہے۔