سعودی عرب : متعدد علاقوں میں گرج چمک کے ساتھ تیز بارشوں اور طوفانی ہواؤں کی توقع

سعودی عرب میں قومی محکمہ موسمیات نے ہفتے کے روز جاری اعلان میں مملکت کے متعدد شہروں میں گرج چمک کے ساتھ تیز اور درمیانی بارشوں کے حوالے سے خبردار کیا ہے۔

محکمہ موسمیات کے مطابق مکہ مکرمہ ، باحہ اور عسیر کے صوبوں میں گرج چمک کے ساتھ بارشوں اور طوفانی ہواؤں کے علاوہ حدّ نگاہ میں کمی ہو گی۔ یہ صورت حال دوپہر 12 بجے شروع ہو کر رات 8 بجے تک جاری رہ سکتی ہے۔

محکمے نے مزید بتایا کہ جازان اور عسیر صوبوں کے کچھ حصوں میں درمیانی اور تیز بارشیں، تند و تیز ہوائیں اور حد نگاہ میں کمی دیکھی جائے گی۔ یہ صورت حال دوپہر 12 بجے شروع ہو کر رات 8 بجے تک جاری رہ سکتی ہے۔