.

سعودی عرب کی جنوبی سرحد سے حشیش سمگل کرنے کی کوشش ناکام

بارڈر سکیورٹی فورس کی منشیات سمگلروں کے خلاف بڑی کارروائی

پہلی اشاعت: آخری اپ ڈیٹ:

سعودی باڈر سکیورٹی فورس کے ترجمان کرنل مسفر القرینی نے بتایا ہے کہ جازان ریجن میں متعدد سکیورٹی کارروائیوں کے دوران کم سے کم 515 کلوگرام نشہ آور اشیاء ضبط کی گئی ہیں۔ منشیات سمگلروں کے خلاف یہ کارروائی ڈائریکٹوریٹ جنرل اینٹی نارکوٹکس کے تعاون سے کی گئی۔

ذرائع کو آپریشن کی تفصیلات بتاتے ہوئے کرنل مسفر کا کہنا تھا کہ اینٹی نارکوٹکس کارروائیوں میں 18 ایتھوپیئنز، 4 یمنیوں اور دو سعودی شہریوں سمیت 24 افراد کو حراست میں بھی لیا گیا ہے۔

بارڈر سکیورٹی فورس کے اہلکار متعدد ایسے آپریشنز میں مصروف ہیں جن میں جازان ریجن میں سٹور کردہ 44.7 ٹن قات [نشہ آور بوٹی] برآمد کی گئی۔ اس کارروائی میں ملوث 23 افراد کو حراست میں لیا جا چکا ہے۔ حراست میں لیے گیے 16 سعودی شہری جبکہ سات کا تعلق یمن سے بتایا جاتا ہے۔