العربیہ ٹی وی چینل کی ٹیم نے گذشتہ روز فلسطین کے جنگ زدہ علاقے غزہ کی پٹی میں بمباری سے تباہ ہونے والے خاندان کا دورہ کیا۔
غزہ کی پٹی میں جبالیا پناہ گزین کیمپ میں التفاح کالونی میں اسرائیلی بمباری کے دوران ایک ہی خاندان کے پانچ افراد کو شہید اور 50کو زخمی کر دیا تھا۔
شاهد عيان يروي لـ #العربية كيف تسبب القصف الإسرائيلي بتشريد 50 شخصا من منزل عائلة الغرة pic.twitter.com/LWLKGs40M9
— العربية (@AlArabiya) May 17, 2021
العربیہ چینل کی ٹیم نے متاثرہ خاندان کا دورہ کیا اور متاثرین سے ملاقات کی۔ متاثرہ خاندان نے بتایا کہ ان کے گھر میں اس وقت 70 افراد موجود تھے۔ وہاں کسی قسم کی عسکری سرگرمی نہیں ہو رہی تھی۔ صبح کے ساڑھے پانچ بجے اسرائیلی فوج کی طرف سے انہیں مکان کو 10 منٹ کےاندر خالی کرنے کا نوٹس ملا۔ الحداد خاندان نے بتایا کہ وہ نہیں جان سکے کہ ان کے گھر پرکیوں کر بمباری کی گئی۔
انسانی حقوق کی عالمی تنظیموں کا کہنا ہے کہ غزہ کی پٹی پر اسرائیلی بمباری میں زیادہ تر عام شہریوں کو نشانہ بنایا جا رہا ہے۔
فلسطینی وزارت صحت کے مطابق غزہ کی پٹی میں اسرائیلی بمباری سے ایک لاکھ افراد نے نقل مکانی کی ہے۔ ان میں سے 40 ہزار عارضی پناہ گزین کیمپوں میں منتقل ہوئے جب کہ 60 ہزار دیگرمتفرق مقامات میں قیام پذیر ہیں۔
