سعودی عرب اور یونان کی فضائیہ کی مشترکہ مشقوں کا آغاز رواں ماہ ہوگا۔ان مشقوں میں شرکت کے لیے یونان کے لڑاکا طیاروں کی شاہ فیصل ایئربیس آمد شروع ہوگئی ہے۔
سعودی پریس ایجنسی کے مطابق شاہ فیصل ایئربیس کے سربراہ جنرل ناصر بن سعید القحطانی نے یونانی دستے کا استقبال کیا ہے۔
مشقوں کا مقصد تجربات کا تبادلہ اور جوانوں کو جدید جنگی ٹیکنیک فراہم کرنی ہیں
جنرل ناصر القحطانی نے کہا ہے کہ ’’دونوں دوست ممالک کے درمیان مشترکہ فضائی مشقیں انتہائی اہمیت کی حامل ہیں۔ مشقوں کے آغاز سے پہلے اور دوران ہم کرونا وائرس سے بچنے کی تمام احتیاطی تدابیر پر سختی سے عمل کریں گے۔ مشقوں کا مقصد تجربات کے تبادلے کے علاوہ دونوں ملکوں کے جوانوں کو جدید جنگی تینیکوں اور مہارتوں کی تربیت دینا ہے۔‘‘
