یمن کے علاقے مآرب میں عرب اتحادی فوج کی بمباری میں لبنانی شیعہ ملیشیا حزب اللہ کا ایک عسکری ماہر ہلاک ہوگیا۔
العربیہ اور الحدث ٹی وی چینلوں کی رپورٹس کے مطابق ایرانی حمایت یافتہ حزب اللہ کے کمانڈر کو مآرب میں ایک فضائی حملے میں نشانہ بنایا گیا۔
ذرائع کا کہنا ہے کہ یمن میں حوثی ملیشیا کے لیے کام کرنے والا حزب اللہ کمانڈر مصطفیٰ الغزاوی مآرب کے مغرب میں صرواح کے محاذ پر موجود تھا۔ وہ 21 اپریل کو صنعا پہنچا تھا جہاں اس نے کچھ وقت الجوف اور مآرب کے محاذوں پر گذرا۔
یمنی فوج کا کہنا ہے کہ گذشتہ روز حوثیوںکے چھوڑے گئے دو بمبار ڈرون طیاروں کو نشانہ بنایا گیا۔ ان میں سے ایک کو ایک عوامی بازار میں مار گرایا گیا۔ اس واقعےمیں متعدد شہری زخمی ہوئے ہیں۔
