.

سعودی فضائیہ نے حوثی ملیشیا کا خمیس مشیط کی جانب بھیجا گیا ڈرون مارگرایا

پہلی اشاعت: آخری اپ ڈیٹ:

سعودی عرب کے فضائی دفاعی نظام نے جمعرات کو یمن سے حوثی ملیشیا کے چھوڑے گئے ایک کھلوناڈرون کو سراغ لگا کر تباہ کردیا ہے۔

عرب اتحاد کے ایک بیان کے مطابق حوثی ملیشیا نے بارود سے لدے اس ڈرون کو یمن کے شمالی علاقے سے سعودی عرب کے جنوبی شہر خمیس مشیط کی جانب چھوڑا تھا۔

عرب اتحاد نے بیان میں مزید کہا ہے کہ’’ہم شہریوں اور شہری املاک کو اس طرح مخالفانہ حملوں سے محفوظ رکھنے کے لیے آپریشنل اقدامات کررہے ہیں۔‘‘

یمن سے ایران کے حمایت یافتہ حوثی شیعہ باغیوں نے گذشتہ اتوار کوسعودی عرب کے جنوبی صوبہ عسیر میں ایک اسکول پر ڈرون حملہ کیا تھا۔سعودی عرب کے محکمہ شہری دفاع نے بتایا تھاکہ ڈرون اسکول کی عمارت پر گرا تھا لیکن اس سے کوئی جانی نقصان نہیں ہوا تھا۔امریکا اور متحدہ عرب امارات نے حوثی ملیشیا کے اس ڈرون حملے کی مذمت کی تھی۔