یمن اور حوثی

مآرب میں حوثی ملیشیا کی 75 فی صد جنگی صلاحیت تباہ کردی گئی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

یمن کی مسلح افواج کے ترجمان بریگیڈیئر عبدہ مجلی نے کل ہفتے کے روز ایک بیان میں کہا ہے کہ عرب اتحادی فوج کی معاونت سے یمنی فوج نے مآرب گورنری میں ایرانی حمایت یافتہ حوثی باغیوں کی جمع کی گئی 75 فی صد جنگی صلاحیت تباہ کردی ہے۔

ایک پریس بیان میں بریگیڈیئر مجلی نے کہا کہ یمن کی افواج نے مآرب گورنری کے اہم مقامات پر اپنا کنٹرول بحال کرنے کے ساتھ باغیوں کی سپلائی لائنیں کاٹ دی ہیں اور ان کی طرف سے کیے جانے والے دہشت گردانہ حملوں کا بھرپور دفاع کیا ہے۔

ان کا کہنا تھا کہ الجوف اور مآرب گورنری میں حوثی ملیشیا کو بھاری جانی اور مالی نقصان سے دوچار کیا گیا ہے۔ یمنی فوج مآرب میں بھرپور پیش قدمی کررہی ہے اور دشمن کو بھاری جانی نقصان سے دوچارکیا گیا ہے۔

بریگیڈیئر عبدہ المجلی نے کہا کہ عرب اتحادی فوج نے حوثی ملیشیا کی گاڑیوں اور ان کے ٹھکانوں پر کئی فضائی حملے کیے ہیں جن کے نتیجے میں حوثی باغیوں کی دسیوں فوجی گاڑیاں تباہ کردی گئی ہیں۔ ان میں بکتر بند گاڑیاں بھی شامل ہیں۔ مآرب میں المشجح، الکسارہ، جبل مراد اور صرواح کے محاذوں پر حوثیوں کو بھاری جانی اور مالی نقصان پہنچایا گیا ہے۔

ادھر یمنی فوج نے جبل مرادر اور مآرب شہر پرحوثیوں کی طرف سے بھیجے جانے والے بمبار ڈرون طیارے تباہ کر دیے۔

الجوف گورنری میں حوثی عسکریت پسندوں کی طرف سے بچھائی گئی300 بارودی سرنگوں کو ناکارہ بنایا گیا ہے۔

مقبول خبریں اہم خبریں

مقبول خبریں