سعودی فضائیہ نے حوثی ملیشیا کا ایک اور ڈرون مارگرایا

پہلی اشاعت: آخری اپ ڈیٹ:
مطالعہ موڈ چلائیں
100% Font Size

سعودی عرب کے فضائی دفاعی نظام نے منگل کے روز یمن سے ایران کی حمایت یافتہ حوثی ملیشیا کے چھوڑے گئے اور اور ڈرون کومارگرایا ہے۔

سعودی عرب کی قیادت میں عرب اتحاد کے مطابق حوثی ملیشیا نے بارود سے لدے اس ڈرون کو یمن کے شمالی علاقے سے سعودی عرب کے جنوبی شہر خمیس مشیط کی جانب چھوڑا تھا۔

عرب اتحاد نے ایک بیان میں کہا ہے کہ’’ہم شہریوں اور شہری املاک کو اس طرح کے مخالفانہ حملوں سے محفوظ رکھنے کے لیے آپریشنل اقدامات کررہے ہیں۔‘‘

یمن سے ایران کے حمایت یافتہ حوثی شیعہ باغیوں نے گذشتہ جمعرات کو بھی خمیس مشیط کی جانب ڈرون چھوڑا تھا اور جنوبی صوبہ عسیر میں ایک اسکول پر ڈرون حملہ کیا تھا۔سعودی عرب کے محکمہ شہری دفاع نے بتایا تھاکہ ڈرون اسکول کی عمارت پر گرا تھا لیکن اس سے کوئی جانی نقصان نہیں ہوا تھا۔

مقبول خبریں اہم خبریں