اردن: فتنہ کیس میں بطور گواہ شہزادہ حمزہ بن الحسین کی طلبی

اردن میں "فتنہ کیس" کے سلسلے میں دفاعی کمیٹی نے شاہی خاندان کے شہزادوں اور دیگر اہم شخصیات کو گواہی کے لیے طلب کیا ہے۔ ان میں شہزادہ حمزہ بن الحسین شامل ہیں۔ مذکورہ افراد آج بدھ کے روز ہونے والی عدالتی سماعت میں پیش ہوں گے۔ مقدمہ دو ملزمان باسم عوض الله اور حسن بن زيد کے خلاف چلایا جا رہا ہے۔

العربیہ کے نمائندے کے مطابق فتنہ کیس میں دفاعی کمیٹی تین شہزادوں ہاشم، حمزہ اور علی کے علاوہ 27 افراد کے بیانات قلم بند کرے گی۔

شہزادہ حمزہ

ایک ملزم عوض اللہ کے وکیل ایڈوکیٹ محمد العفیف کے مطابق دفاعی کمیٹی جن شخصیات کے بیانات پیش کرے گی ان میں موجودہ وزیر اعظم اور وزیر خارجہ شامل ہیں۔

رواں سال 3 اپریل کو اردن کی فوج کے جوائنٹ چیف آف اسٹاف نے اعلان کیا تھا کہ حسن بن زید، شاہی دفتر کے سابق سربراہ باسم عوض اللہ اور دیگر افراد کو سیکورٹی وجوہات کی بنا پر گرفتار کر لیا گیا۔