.

ٹوکیو میں خوفناک لینڈ سلائیڈنگ سے کئی عمارتیں تباہ، 19 افراد لاپتا

پہلی اشاعت: آخری اپ ڈیٹ:

جاپان کے دارالحکومت ٹوکیو کے مغرب میں ایک پہاڑی علاقے میں خوف ناک لینڈ سلائیڈنگ کے نتیجے میں کئی عمارتیں دب گئیں جس کے نتیجے میں کم سے کم انیس افراد لاپتا ہیں۔

اس واقعے کی ایک فوٹیج سوشل میڈیا پر وائرل ہوئی ہے جس میں لینڈ سلائیڈنگ میں ہونے والی تباہی کے مناظر کو دیکھا جاسکتا ہے۔ اس موقعے پر لوگ بہت زیادہ خوف زدہ ہیں اور کچھ اس منظر کو کیمروں میں محفوظ کررہے ہیں۔

ٹوکیو میں حکام کا کہنا ہے کہ لینڈ سلائیڈنگ نے سیاہ پانی کے طوفان کے ساتھ مغربی ٹوکیو کے گھروں کو اپنی لپیٹ میں لے لیا۔ ہفتے کے روز ہونے والی موسلا دھار بارش کے بعد ہونے والی لینڈ سلائیڈنگ کے نتیجے میں کم سے کم انیس افراد لاپتا ہے جن کی تلاش جاری ہے۔

وسطی جاپان کے علاقے شیزوکا کے شعبہ حادثات کے حکام کا کہنا ہے کہ لینڈ سلائیڈنگ کا یہ حادثہ گرم چشموں کی وجہ سے مشہور اتامی نامی گاؤں میں پیش ہفتے کے روز پیش آیا۔

شعبہ حادثات کے ایک عہدیدار تاکا میشی سوگیاما نے بتایا کہ لینڈ سلائیڈنگ کے نتیجے میں زمین بوس ہونےوالے گھروں میں موجود کئی افراد کو نکال لیا گیا ہے جب کہ انیس افراد بدستور لاپتا ہیں۔ ان کا کہنا تھا کہ حادثے کے وقت کچھ لوگ جانیں بچا کر وہاں سے نکل گئے تھے مگر یہ معلوم نہیں ہوسکا کہ لینڈ سلائیڈنگ میں کتنے لوگ بچ پائے ہیں۔