.

سعودی مکتبات میں صارفین کے لیے’مخطوطات‘ تک آن لائن رسائی کی سہولت

پہلی اشاعت: آخری اپ ڈیٹ:

سعودی عرب کے لائیبریری کمیشن نے محققین اور صارفین کے لیے ایک منفرد عالمی سروس فراہم کرتے ہوئے صارفین کو آن لائن مخطوطات تک رسائی دینے کا اعلان کیا ہے۔

اس نئی سروس کی دستیابی کے بعد صارفین کو سعودی عرب کی لائبریریوں میں موجود مخطوطات تک آن لائن رسائی حاصل ہو گی جس سے تحقیق اور مطالعے میں ایک نئی سہولت میسر آئے گی۔ یہ سروس پوری دنیا میں اپنی نوعیت کی ایک منفرد سہولت ہے۔

آن لائن مواد سے استفادے کے خواہاں افراد درج ذیل ویب سائٹ https://libraries.moc.gov.sa/ar/manuscripts وزٹ کر سکتے ہیں۔

اس نئی سروس سے صارفین کو مطالعے کے لیے وقت اور پیسے کی بچت کے ساتھ نایاب مخطوطات تک رسائی مل سکے گی۔ لائبریری کمیشن کی آفیشل ویب سائٹ پردستیاب آن لائن مواد میں صارفین آسانی کے ساتھ اپنے موضوع کے بارے میں معلومات حاصل کر سکیں گے۔

صارفین کو مخطوطات کے عنوانات، اس کی تعریف، موضوع، مؤلف کا مکمل نام، تاریخ وفات، آغاز سے اختتام تک مخطوطے، ناسخ کا نام، مخطوطے کی قسم، اس کے اوراق کی تعداد، زبان، جہاں پرمحفوظ ہے اس کا مکمل ایڈریس،محفوظ کیے جانے کا کوڈ اور اس کے بارے میں عمومی تاثرات جیسی معلومات کے ذریعے انہیں تلاش کیا جاسکے گا۔

خیال رہے کہ آن لائن مخطوطات کے بارے میں معلومات کا یہ پروگرام پوری دنیا میں اپنی نوعیت کا منفرد پروگرام ہے۔ نہ صرف عرب ممالک بلکہ پوری دنیا میں ایسی کوئی اور سہولت میسر نہیں۔

سعودی عرب کی لائبریریوں میں موجود علمی خزانے میں عرب اور مسلمان ممالک میں موجود مخطوطات اور تاریخی دستاویزات کا 27 فی صد محفوظ ہے۔