مملکت میں کرونا ویکسین کی 19 ملین خوراکیں لگائی جا چکی ہیں

سعودی وزارت صحت نے کہا ہے کہ اب تک مملکت میں 587 سے زیادہ ویکسین سینٹرز کے ذریعے 19 ملین سے زیادہ خوراکیں دی گئی ہیں۔

وزیر صحت ڈاکٹر توفیق الربیعہ نے ’’العربیہ‘‘ کو بتایا کہ وزارت صحت ترجیحی بنیادوں پر 40 سال اور اس سے زیادہ عمر کے شہریوں اور مقیم غیر ملکیوں کو ویکسین کی دوسری خوراک فراہم کر رہی ہے۔

گزشتہ چوبیس گھنٹوں کے دوران ایک لاکھ 71 ہزار پانچ سو سے زیادہ مزید خوراکیں مقامی شہریوں اور مقیم غیر ملکیوں کو دی گئی ہیں۔

وزارت صحت نے بتایا کہ اب تک 1.9 ملین دوسری خوراک شہریوں اور غیر ملکیوں کو دی گئی ہیں جبکہ 1.38 ملین معمر شہریوں کو ویکسین دی گئی ہیں۔

یاد رہے کہ وزارت صحت نے کرونا ویکسین کا پہلا مرحلہ 17 دسمبر 2020 کو شروع کیا تھا جبکہ دوسرا مرحلہ 18 فروری 2021 کو شروع کیا گیا۔