.

دبئی میں زوردار دھماکا،جبل علی پورٹ پرلنگرانداز جہاز میں آگ لگ گئی

پہلی اشاعت: آخری اپ ڈیٹ:

متحدہ عرب امارات کے شہر دبئی میں بدھ کی شب ایک زور دار دھماکے کی آواز سنی گئی ہے۔دبئی کے مختلف علاقوں سے لوگوں نے اس دھماکےکی آواز سننے کی اطلاع دی ہے۔

امارت دبئی کے میڈیا دفتر نے ایک ٹویٹ دھماکے کی تصدیق کی ہے اور کہا ہے کہ اس سے جبل علی پورٹ پر لنگرانداز ایک جہاز پر لدے کنٹینرمیں آگ لگ گئی ہے۔

سوشل میڈیا پر بعض غیرمصدقہ ویڈیوز شئیر کی گئی ہیں،ان میں جبل علی بندرگاہ کے نزدیک زوردار دھماکے کے بعد آگ کے شعلے اور دھواں بلند ہوتے دیکھا جاسکتا ہے۔

العربیہ نے اپنے ذرائع کے حوالے سے اطلاع دی ہے کہ دبئی میں سنی گئی دھماکے کی آوازجبل علی پورٹ پر لنگرانداز جہاز سے آئی ہے۔

امارت کے علاقے میرینا کے چار مکینوں نے دھماکے کی زوردار آواز سننے کی اطلاع دی ہے اور کہا ہے کہ اس سے ان کے مکانوں کی کھڑکیوں اور دروازوں کے شیشے ٹوٹ گئے ہیں۔