سعودی فرمانروا اور ولی عہد کا جرمن چانسلر سے سیلابی تباہ کاری پر اظہار افسوس

خادم حرمین شریفین شاہ سلمان بن عبد العزیز نے جرمن چانسلر انجیلا مرکل سے طوفانی بارشوں کے باعث ہونے والی ہلاکتوں پر اظہار افسوس کیا ہے۔

سعودی سرکاری خبر رساں ایجنسی 'ایس پی اے' کے مطابق شاہ سلمان بن عبدالعزیز نے جرمن چانسلر کے نام اپنے ایک خط میں جرمنی میں سیلاب اور طوفانی بارشوں سے ہونے والی تباہ کاری اور ہلاکتوں پر افسوس کا اظہار کرتے ہوئے رنجیدہ خاندانوں سے اظہار تعزیت کی۔

ایس پی اے کے مطابق اسی طرح ولی عہد شہزادہ محمد بن سلمان نے بھی جرمن چانسلر کو منسوب ایک تحریر میں جرمنی میں ہونے والے نقصان پر دکھ اور افسوس کا اظہار کیا۔