سعودی خاتون لکھاری شریفہ الشملان کی وفات پر میڈیا اور ادب کی شخصیات کا اظہارِ تعزیت

معروف سعودی خاتون کالم نگار اور ادبی مصنفہ شریفہ الشملان بدھ کی شام انتقال کر گئیں۔ ان کی نماز جنازہ اور تدفین جمعرات کی صبح دمام شہر میں ہوئی۔ وہ کرونا وائرس سے متاثر ہو چکی تھیں۔

شریفہ کی وفات کی خبر ان کی بیٹی منیرہ الشملان نے ٹویٹر پر تحریر کی۔

ادیبوں اور میڈیا سے تعلق رکھنے والی شخصیات کی ایک بڑی تعداد نے شریفہ الشملان کی موت پر تعزیت اظہار کیا ہے۔ ساتھ ہی ان کی تحریروں اور ادبی کام کو خراج تحسین بھی پیش کیا گیا۔

شریفہ الشملان نے بغداد یونیورسٹی سے صحافت میں گریجویشن کی ڈگری حاصل کی تھی۔ وہ 27 برس سعودی عرب کے صوبے "الشرقیہ" میں خواتین سے متعلق سماجی نگرانی کے شعبے سے وابستہ رہیں یہاں تک کہ ڈائریکٹر جنرل بن گئیں۔ شریفہ نے الشرقیہ صوبے میں انسانی حقوق کمیشن کی کی شاخ میں خواتین بیورو قائم کیا اور اس کے لیے تین برس تک کام کیا۔

شریفہ نے تحقیقی مطالعے کے میدان میں بھی کافی کام کیا۔ انہوں نے سعودی عرب اور اس کے بیروان کئی کانفرنسوں اور میلوں میں شرکت کی۔