.

سعودی عرب حج سیزن کے انتظام میں کامیاب رہا: یورپی یونین

پہلی اشاعت: آخری اپ ڈیٹ:

یورپی اتحاد نے رواں سال 1442 ہجری کے حج سیزن کی کامیابی کے لیے سعودی حکومت کی کوششوں کو سراہا ہے۔

یورپی یونین کے سرکاری ترجمان برائے مشرق وسطی و شمالی افریقا لوئس میگل نے العربیہ ڈاٹ نیٹ سے گفتگو کرتے ہوئے کہا کہ "مجھے اس بات مسرت ہو رہی ہے کہ رواں سال حج سیزن کے شان دار انتظام پر سعودی حکام کو سلام پیش کروں۔ اس موقع پر بہترین حفاظتی تدابیر اور احتیاطی اقدامات کیے گئے تھے جن کے سبب حجاج کرام میں کرونا وائرس کا کوئی کیس ریکارڈ نہیں ہوا۔"

انہوں نے حج سیزن میں سیکورٹی ذمے داریوں کی انجام دہی میں خواتین کی عملی شرکت کو بھی سراہا۔

یورپی یونین کے ترجمان نےG20 کے زیر سایہ سعودی عرب کے کردار اور ویکسی نیشن کے بین الاقوامی اتحاد کے لیے مملکت کی سپورٹ کی بھی ستائش کی۔

یاد رہے کہ سعودی وزیر صحت ڈاکٹر توفیق الربیعہ نے رواں سال 1442 ہجری کے لیے حج کے طبی منصوبے کی کامیابی کا اعلان کیا تھا۔ ان کا کہنا تھا کہ حج سیزن کرونا وائرس اور دیگر وبائی امراض سے محفوظ رہا۔