پرس چھیننے والے نوجوانوں کے ہاتھوں مصری خاتون کے گھسیٹے جانے کی تصاویر

پہلی اشاعت: آخری اپ ڈیٹ:
مطالعہ موڈ چلائیں
100% Font Size

مصر میں سیکورٹی ادارے سوشل میڈیا پر زیر گردش ایک تصویر کی جانچ کر رہے ہیں۔ تصویر میں ایک خاتون کا پرس چھینے جانے کی کوشش کے دوران میں اسے گھسیٹا جاتا ہوا دیکھا جا سکتا ہے۔ الشرقیہ صوبے میں پیش آنے والے اس واقعے کے ملزمان کی شناخت اور گرفتاری کی کوشش جاری ہے۔

Advertisement

سوشل میڈیا کے بعض صارفین کے مطابق ایک موٹر سائیکل پر سوار تین نوجوان لڑکوں نے سڑک پر چلتی ایک خاتون کا پرس چھین لیا۔ خاتون نے پرس کو تھامے رکھا جس کے سبب وہ سڑک پر گھسٹتی چلی گئی اور اس کے جسم پر مختلف زخم آئے۔

یاد رہے کہ مصر میں المعادی کے علاقے میں ایک خوف ناک واقعہ دیکھا گیا تھا جب ایک لڑکی گھسیٹے جانے کے سبب اپنی جان سے ہاتھ دھو بیٹھی۔ اس واقعے میں ملوث افراد کی شناخت کیے جانے کے بعد عدالتی کارروائی کے ذریعے انہیں سزائے موت دی گئی۔

مقبول خبریں اہم خبریں