.

واشنگٹن : 11 ستمبر کی 20 ویں برسی قریب آنے پر دہشت گردی کے حوالے سے انتباہ

پہلی اشاعت: آخری اپ ڈیٹ:

امریکی حکومت نے ہفتے کے روز ایک بار پھر دہشت گردی کے خطرے کی سنگین فضاؤں سے خبردار کیا ہے۔ بالخصوص جب کہ امریکا میں 11 ستمبر کے حملوں کے بیس سال پورے ہونے کو آ رہے ہیں۔

داخلہ امن کی وزارت نے جنوری میں انسداد دہشت گردی کے سلسلے میں جاری یادداشت میں ترمیم کی تھی۔ یہ ترمیم سابق صدر ڈونلڈ ٹرمپ کے حامیوں کی جانب سے کانگریس کی عمارت پر حملے کے بعد سامنے آئی تھی۔

بعد ازاں رواں سال مئی میں بھی اس یادداشت میں ترمیم کی گئی۔ اس کا مقصد طبی قیود ختم کرنے پر "شدت پسندوں" کی جانب سے اس کا فائدہ اٹھاتے ہوئے پر تشدد حملوں کے خطرے کا مقابلہ کرنا تھا۔

مذکورہ وزارت کی ترمیم شدہ یادداشت میں واضح کیا گیا ہے کہ "11 ستمبر کے حملوں کی آئندہ برسی سے قبل القاعدہ تنظیم نے کچھ عرصہ پہلے 'انسپائر' جریدے کا پہلا انگریزی ایڈیشن شائع کیا ہے۔ تنظیم کا یہ جریدہ چار سال سے پروپیگنڈے کے مقصد سے کام کر رہا ہے"۔

داخلہ امن کی وزارت کے مطابق یہ امر اس بات کی دلیل ہے کہ دہشت گرد تنظیموں نے اپنی کوششیں جاری رکھی ہوئی ہیں تا کہ امریکا میں قدم جمائے ہوئے افراد کو نظریاتی تلقین کی جا سکے۔

یاد رہے کہ 11 ستمبر 2001ء کے حملوں کے بعد بنائی جاتنے والی 'داخلہ امن' کی وزارت باقاعدگی کے ساتھ اس نوعیت کا انتباہ جاری کرتی ہے۔