.

کرونا وائرس سے متاثر طلبہ دس روز تک سکول نہیں جا سکتے

پہلی اشاعت: آخری اپ ڈیٹ:

سعودی وزیر تعلیم ڈاکٹر حمد آل الشیخ نے کہا ہے کہ ’سکولوں کے 93 فیصد طلبہ نے کرونا ویکسین کی پہلی خوراک لگوا لی ہے‘۔ آل الشیخ نے اتوار کو بتایا کہ’ آئندہ ہفتے سے ویکسین لگوانے والے طلبہ سکول آنے لگیں گے‘۔

سعودی وزارت تعلیم نے آئندہ ہفتے سکولوں میں طلبہ کی واپسی سے قبل کرونا وائرس سے بچاؤ کے لیے گائیڈ بک جاری کی ہے۔ گائیڈ بک میں کہا گیا ہے کہ’ کرونا وائرس سے متاثر کسی بھی طالب علم کو دس روز تک سکول آنے نہیں دیا جائے گا‘۔

گائیڈ بک میں یہ بھی ہے کہ ’سکولوں میں صبح کی اسمبلی منسوخ ہو گی۔ طلبہ سماجی فاصلہ برقرار رکھتے ہوئے براہ راست کلاس روم کا رخ کریں گے‘۔ وزارت تعلیم نے سکولوں کے بوفے اور کیفے ٹیریاز بند رکھنے کا فیصلہ کیا ہے۔ طلبہ کو لنچ کلاس روم میں کرنے کی اجازت دی ہے۔

گائیڈ بک میں یہ بھی ہدایت کی گئی ہے کہ’ والدین بچوں کی صحت حالت پر نظر رکھیں اور کسی بھی تبدیلی کی صورت میں سکولوں کو پہلی فرصت میں مطلع کریں‘۔