سعودی ایئر ڈیفنس نے خمیس مشیط پر حوثیوں کا ڈرون حملہ ناکام بنا دیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کے ایئر ڈیفنس نے سوموار اور منگل کی درمیانی شب یمن کے حوثی باغیوں کی طرف سے مملکت کے علاقے خمیس مشیط کی طرف بھیجا گیا ایک بمبار ڈرون تباہ کر دیا۔

یمن میں آئینی حکومت کے دفاع میں لڑنے والے عرب اتحاد کی طرف سے جاری بیان میں کہا گیا ہے کہ سعودی ایئر ڈیفنس نے دشمن کے ایک اور بمبار ڈرون کو فضا میں ہی تباہ کر کے شہری آبادی کو خطرے میں ڈالنے کی سازش ناکام بنا دی۔

عرب اتحاد کا کہنا ہے کہ سعودی ایئر ڈیفنس اور اتحادی فورسز اپنی عسکری کارروائیوں میں شہریوں کے جان ومال کے تحفظ کو یقینی بنانے کی ہر ممکن کوشش کرتے ہیں۔ دوسری طرف حوثی دہشت گرد بین الاقوامی قوانین اور انسانی حقوق کی سنگین پامالیوں کا ارتکاب کرتے ہوئے تباہ کن ہتھیاروں سے شہری آبادی پر حملے کر رہےہیں۔

یاد رہے کہ ایرانی حمایت یافتہ حوثی باغی گذشتہ طویل عرصے سے سعودی عرب کی شہری آبادی، حساس تنصیبات اور اقتصادی مراکز کو بمبار ڈرون طیاروں اور بیلسٹک میزائلوں سے نشانہ بنانے کی کوششیں جاری رکھے ہوئے ہیں۔ عرب ممالک اور عالمی سطح پر حوثی ملیشیا کی سعودی عرب پر حملوں کی شدید مذمت کی جاتی ہے۔

فائل فوٹو
فائل فوٹو
مقبول خبریں اہم خبریں

مقبول خبریں