.

آزادی کی خاطر شروع کردہ جنگ سے کنارہ کش نہیں ہوں گا: احمد مسعود

قومی مزاحمتی فرنٹ نے وادی پنج شیر کے رہنما کا نیا پیغام جاری کر دیا

پہلی اشاعت: آخری اپ ڈیٹ:

طالبان کی جانب سے افغانستان کے علاقے وادی پنج شیر پر قبضے کے اعلان کے بعد علاقے میں سرگرم طالبان مخالف مزاحمتی اتحاد کے سربراہ نے کہا ہے کہ وہ لڑنے سے کبھی کنارہ کشی اختیار نہیں کریں گے۔

قومی مزاحمتی فرنٹ کے ترجمان اور خارجہ امور کے نگران علی نظاری نے ٹوئٹر پر ایک پیغام میں احمد مسعود کا تازہ ترین پیغام نشر کیا ہے جس میں انھوں نے آزادی اور انصاف کے لیے شروع کی گئی جنگ سے کنارہ کشی اختیار کرنے کی تردید کی ہے۔

امریکہ میں مقیم علی نظاری نے افغانستان کے شمال مشرقی علاقے وادی پنج شیر پر طالبان کے کنڑول کی بھی تردید کی ہے۔