سعودی عرب کی وزارت داخلہ نے کرونا وائرس سے نمٹنے کے لیے احتیاطی تدابیر اور حفاظتی اقدامات کی خلاف ورزیوں پر نئی سزاؤں کا اعلان کیا ہے۔
وزارت صحت کے ایک سرکاری ذریعے نے بتایا کہ پروٹوکول کی خلاف ورزی کے مطابق مندرجہ ذیل امور کو شامل کیا گیا ہے۔
ویکسین نہ لگوانے والے افراد کو داخلے کی اجازت دینے پر جرمانہ
ایک سو سے زائد افراد کی گنجائش والی دکانوں یا مالز اور مراکز میں لوگوں کی ایک ہی وقت میں مقررہ تعداد سے زیادہ داخلے پر جرمانہ
مخصوص جگہوں کے اندر مجاز تعداد کی عدم تعمیل کی خلاف ورزی پر جرمانہ
ایس او پیز کی خلاف ورزی پر بندش کی سزا میں ترمیم کرنے کا فیصلہ کیا گیا ہے تاکہ نجی شعبے پر نگران اتھارٹی اپنے نگرانی کے دائرہ کارمیں جب ضروری سمجھے چھ ماہ تک کی بندش کا فیصلہ کرنے کی مجاز ہے۔
