.

امداد کی وصولی اور اندرون ملک پروازوں کے لیے کابل ہوائی اڈہ پھر سے کھول دیا گیا

پہلی اشاعت: آخری اپ ڈیٹ:

افغانستان کی قومی فضائی کمپنی (اريانا) کے مطابق اس نے ہفتے کے روز ملک میں اپنی بعض پروازوں کو دوبارہ شروع کر دیا ہے۔

یہ پروازیں دارالحکومت کابل اور تین دیگر شہروں ہرات، مزار شرف اور قندھار کے درمیان چلائی جا رہی ہیں۔ اس سے قبل قطر سے آئی ہوئی ایک تکنیکی ٹیم نے امدادی اور اندرون ملک پروازوں کے استقبال کے لیے دارالحکومت کابل کے ہوائی اڈے کو پھر سے کھول دیا تھا۔

اریانا افغان ایئرلائنز نے فیس بک پر جاری ایک بیان میں بتایا کہ فضائی کمپنی اندرونی پروازوں کے دوبارہ آغاز پر مسرت اور فخر محسوس کر رہی ہے۔

کابل ہوائی اڈہ بیرون اور اندرون ملک دونوں کے لحاظ سے شہہ رگ کی حیثیت رکھتا ہے۔ اس کا دوبارہ کھولا جانا طالبان تحریک کی انتہائی ترجیحات میں شامل ہے۔ طالبان نے 15 اگست کو کابل کا کنٹرول حاصل کر لیا تھا۔ اس کے بعد سے کابل کا ہوائی اڈہ فضائی آپریشن کے لیے بند تھا۔