.

امریکا میں پہلی مرتبہ خاتون اوّل کی وائٹ ہاؤس سے باہر ملازمت

پہلی اشاعت: آخری اپ ڈیٹ:

امریکی خاتون اوّل جل بائیڈن آئندہ ہفتے سے اپنے یونیورسٹی لیکچر دینے کا سلسلہ دوبارہ شروع کریں گی۔ اس بار وہ لیکچروں کے لیے خود یونیورسٹی میں موجود ہوں گی۔ اس بات کا اعلان وائٹ ہاؤس کی جانب سے گذشتہ روز کیا گیا۔ جل بائیڈن تعلیم کے شعبے میں ڈاکٹریٹ کی ڈگری رکھتی ہیں۔

امریکی اخبار واشنگٹن پوسٹ کے مطابق کرونا کے سبب امریکی خاتون اوّل ایک سال سے آن لائن لیکچر دے رہی تھیں تاہم اب وہ یونیورسٹی میں حاضر ہو کر تدریس انجام دیں گی۔

اخبار کا کہنا ہے کہ جل بائیڈن ورجینیا میں "کمیونٹی کالج" یونیورسٹی میں 13 ہفتوں تک اکیڈمک رائٹنگ کے اصول پڑھائیں گی۔

جیل بائیڈن پہلی امریکی خاتون اوّل ہیں جو وائٹ ہاؤس میں اپنے کردار کے ساتھ بیرونی ملازمت کی ذمے داری نبھائیں گی۔