مصر میں مغوی بچہ بازیاب، ایک اغوا کار ہلاک، دو گرفتار

مصرمیں پولیس نے ایک چھ سالہ بچے کے اغوا کے واقعے سے نمٹتے ہوئے متاثرہ بچے کو بازیاب کرا لیا ہے۔ بچے کی بازیابی کی کارروائی میں پولیس اور اغوا کاروں کے درمیان فائرنگ کا تبادلہ ہوا جس میں ایک اغوا کار ہلاک جب کہ دو کو گرفتار کرلیا گیا ہے۔

یہ واقعہ مصر کے علاقے اسیوط میں مرکزساحل سلیم کے مقام پر پیش آیا۔اغوا ہونے والے بچے امیر نادی اقلدیوس کے والدین نے بتایا کہ بچے کو اس کے گھر کے سامنے سے اغوا کیا گیا۔ انہوں نے اغوا کاروں کا تعاقب کیا تو ان پر فائرنگ کی گئی۔ اس پر انہوں نے فوری طور پر پولیس کو اطلاع دی۔ پولیس نے بغیرکی تاخیر کے اغوا کاروں کے خلاف کارروائی کی اور ان کا تعاقب کیا۔

نادی اقلدیوس کے والد نے بتایا کہ جب انہوں نے اغوا کاروں کا تعاقب کیا تو انہوں نے ہم پر فائرنگ کی۔

اسیوط سیکیورٹی ڈاریکٹوریٹ نے اطلاع ملتے ہی پورے علاقے میں سرچ آپریشن شروع کردیا۔ تحقیقات سے پتا چلا کہ اغوا کار بھی اسی گاؤں سے ہیں جس سے بچے کا تعلق ہے۔ وہ ماضی میں بھی فوج داری کیسز میں ملوث رہے ہیں۔ انہوں نے آبادی سے دور ایک زرعی علاقے میں اپنا ٹھکانہ بنارکھا ہے۔ پولیس کی کوشش سے بچے کو اغوا کاروں سے چھڑا کر اس کے والدین کے حوالے کر دیا گیا ہے اوراغوا کاروں کے خلاف قانونی کارروائی شروع کردی گئی ہے۔