افغانستان وطالبان

خسرہ کے سبب ہزاروں افغانوں کے امریکا کوچ کرنے میں التوا

پہلی اشاعت: آخری اپ ڈیٹ:
مطالعہ موڈ چلائیں
100% Font Size

ایک انگریزی جریدے کے مطابق امریکا پہنچنے والے افغانوں میں خسرہ کے چار کیس سامنے آنے کے بعد تقریبا 12 ہزار افغانوں کی امریکا منتقلی کا عمل التوا کا شکار ہو جائے گا۔

پولیٹیکو میگزین نے بتایا ہے کہ امریکا میں صحت سے متعلق حکام نے سفارشات پیش کی ہیں کہ امریکی اڈوں میں منتقل کیے جانے والے افغانوں کا ٹیسٹ کیا جائے اور انہیں خسرہ کی ویکسین دی جائے۔ ان میں جرمنی اور قطر میں امریکی اڈے خاص طور پر شامل ہیں۔

اس صورت حال کے نتیجے میں منتقلی کے عمل کو کم از کم کئی ہفتوں تک پھیلانے کی ضرورت ہو گی۔

واضح رہے کہ جرمنی میں امریکی فوجی اڈے اور اس کے نواح میں 17 ہزار افغانوں کو رکھا گیا ہے جب کہ اطالیہ اور ہسپانیہ میں امریکی اڈوں میں 4300 کے قریب افغان موجود ہیں۔

مقبول خبریں اہم خبریں