کرونا وائرس

سعودی عرب: طیاروں اور پبلک ٹرانسپورٹ میں سفر کے لیے کرونا ویکسین کی دو خوراکوں کی شرط

پہلی اشاعت: آخری اپ ڈیٹ:
مطالعہ موڈ چلائیں
100% Font Size

سعودی عرب میں اعلان کیا گیا ہے کہ شہریوں اور غیر ملکی مقیمین کے مختلف سرگرمیاں انجام دینے کے سلسلے میں کرونا ویکسین کی دو خوراکیں لینا لازمی شرط ہو گی۔

جمعہ کے روز ہونے والے اعلان کے مطابق اتوار 10 اکتوبر (2021ء) سے جن امور میں یہ شرط لازم ہو گی ان میں عوامی سرگرمیوں میں شرکت، پبلک ٹرانسپورٹ میں سوار ہونا اور حکومتی سرکاری تنصیبات میں داخل ہونا شامل ہے۔

سعودی سرکاری خبر رساں ایجنسی (ایس پی اے) کے مطابق وزارت داخلہ کے فیصلے کے تحت درج ذیل سرگرمیوں کے لیے منظور شدہ ویکسین کی دو خوراکوں کا کورس ضروری ہو گا:

کسی بھی معاشی، تجاریتی، ثقافتی، تفریحی، سیاحتی یا کھیلوں کی سرگرمی میں شرکت.

کسی بھی ثقافتی، علمی یا سماجی ایونٹ میں شرکت.

کسی بھی سرکاری یا نجی تنصیب میں داخلہ.

طیاروں اور پبلک ٹرانسپورٹ میں سوار ہونا.

البتہ وزارت داخلہ نے واضح کیا ہے کہ بعض افراد کو اس شرط سے استثنا حاصل ہو گا۔ یہ وہ ہی لوگ ہیں جو ویکسین لگوانے سے مستثنی طبقے میں مذکورہ ہیں۔

وزارت داخلہ کے ذرائع نے زور دیا ہے کہ تمام افراد احتیاطی اقدامات، حفاظتی تدابیر اور منظور شدہ پروٹوکولز کی پابندی کریں۔

مقبول خبریں اہم خبریں