.

مصراورسعودی عرب کے درمیان ایک ارب 80 کروڑڈالر کے پاورگرڈ معاہدے پردست خط

پہلی اشاعت: آخری اپ ڈیٹ:

سعودی عرب اورمصر نے منگل کے روزایک ارب 80 کروڑ ڈالرمالیت کے الیکٹرک گرڈ انٹرکنکشن منصوبے پر دست خط کیے۔اس معاہدے پر دست خطوں کی تقریب مصر کے سرکاری ٹیلی ویژن سے براہ راست نشر کی گئی ہے۔

سعودی الیکٹریسٹی کمپنی اور مصری الیکٹریسٹی ٹرانسمیشن کمپنی کے نمایندوں نے اس ڈیل پر دست خط کیے ہیں۔تقریب میں سعودی عرب کے وزیرتوانائی شہزادہ عبدالعزیز بن سلمان اور مصر کے وزیربجلی اورقابل تجدید توانائی محمد شاکر بھی موجود تھے۔

سعودی وزیرتوانائی نے اس موقع پر کہا کہ اس منصوبے کے اس اہم مرحلے تک پہنچنا دونوں ممالک کی قیادت کی ہدایات کی روشنی میں ممکن ہوا ہے۔

مصرکے وزیربجلی وقابلِ تجدید توانائی نے کہا کہ یہ منصوبہ دونوں ملکوں کے درمیان دوطرفہ تعلقات کی وسعت اورگہرائی کا عکاس ہے۔