یمن میں قیام امن پر بات چیت کے لیے امریکی ایلچی کا علاقائی ممالک کا دورہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size

کل جمعہ کو یمن کے لیے امریکی خصوصی ایلچی ٹم لینڈرکنگ اپنے نئے دورے پر اردن کے دارالحکومت عمان پہنچے ہیں تاکہ یمن میں جاری جنگ کو ختم کرنے اور تنازع کے ایک جامع سیاسی حل پر بات چیت کے لیے متحارب فریقوں اور ممالک سے مشاورت کی جاسکے۔

امریکی محکمہ خارجہ نے ایک پریس ریلیز میں کہا ہے کہ ٹم لینڈر کنگ کے نئے دورے میں متحدہ عرب امارات، سعودی عرب اور سلطان عمان کا دورہ شامل ہے۔

بیان کے مطابق امریکی ایلچی جمہوریہ یمن کی حکومت، یمنی سول سوسائٹی کے نمائندوں، علاقائی حکومت کے اعلیٰ حکام، اقوام متحدہ اور دیگر بین الاقوامی شراکت داروں سے ملاقات کریں گے۔

محکمہ خارجہ نے زور دیا کہ مسٹر کنگ کی کوششیں یمن کے عوام کو فوری امداد فراہم کرنے اور اقوام متحدہ کی قیادت میں جامع امن عمل کو آگے بڑھانے پر مرکوز ہیں۔

اس تناظر میں لینڈرکنگ ایندھن کے بحران کے مستقل حل کا مطالبہ کریں گے۔ خاص طور پر وہ تیل کی مصنوعات کی درآمد پر پابندیاں ختم کرنے اور تیل کی قیمتوں میں حوثی ملیشیا کی طرف سے ہیرا پھیری روکنے اور اس کی ذخیرہ اندوزی روکنے پر بات کریں گے۔

مقبول خبریں اہم خبریں