ہم نہیں چاہتے کہ کوئی اور حزب اللہ یمن میں سر اٹھائے: وزیر خارجہ امارات

متحدہ عرب امارات کے وزیر خارجہ عبداللہ بن زاید النہیان نے جمعرات کو کہا ہےکہ ان کا ملک نہیں چاہتا کہ کوئی اور حزب اللہ یمن میں ظاہر ہو۔

انہوں نے کہا کہ متحدہ عرب امارات کو اسرائیل کے ساتھ تعلقات کو فروغ دینے پر مکمل اطمینان اور تسلی ہے۔ وہ جلد ہی اسرائیل کا دورہ کریں گے۔

اماراتی وزیر نے اس بات پر زور دیا کہ اسرائیل اور فلسطینیوں کے درمیان بات چیت کے بغیر خطے میں امن کے بارے میں بات کرنا ممکن نہیں ہے۔

اماراتی وزیر خارجہ نے ان خیالات کا اظہار واشنگٹن ڈی سی میں اپنے امریکی ہم منصب انٹنی بلنکن اور اسرائیلی یائر لیپڈ کے ساتھ سہ فریقی ملاقات کے دوران کیا۔

اس موقعے پر امریکی وزیر خارجہ نے کہا کہ امریکا اسرائیل کے ساتھ امن معاہدوں پر دستخط کرنے والے ممالک کا دائرہ بڑھانا چاہتا ہے۔ انہوں نے مزید کہا ک متحدہ عرب امارات اور اسرائیل کے وزرائے خارجہ سےملاقات میں شام اور ایران کے بارے میں بات کی۔