یمن میں آئینی حکومت کے حامی عرب اتحاد کے ترجمان کرنل ترکی المالکی کا کہنا ہے کہ اتحاد نے صنعاء اور صعدہ میں مطلوبہ عسکری اہداف کو نشانہ بنایا ہے۔
بدھ کی شب اپنے بیان میں انہوں نے بتایا کہ ان اہداف میں بیلسٹک میزائلوں اور ڈرون طیاروں کے ٹھکانوں کے علاوہ ہتھیاروں کے ڈپو شامل ہیں۔
دوسری جانب یمن میں مقامی آبادی نے العربیہ ڈاٹ نیٹ کو بتایا کہ اتحادی طیاروں نے الصیانہ و النہدین اور الحفا و عطان کے عسکری کیمپوں پر فضائی حملے کیے۔ حملوں کے بعد یمنی دارالحکومت دھماکوں سے لرز اٹھا۔ اسی طرح صنعاء میں حزیز کے علاقے میں السواد اور سنحان کے علاقے میں ریمہ حمید کے کیمپوں کو بھی نشانہ بنایا گیا۔
المشہد الیمنی ویب سائٹ کے مطابق عرب اتحاد کے طیاروں نے صنعاء میں حوثی ملیشیا کے سینئر رہ نماؤں کے ایک اجلاس کی جگہ پر بھی بم باری کی۔ یہ اجلاس صنعاء کے جنوب میں دار الرئاسہ میں ہو رہا تھا۔
ذرائع کا کہنا ہے کہ کارروائی میں حوثی ملیشیا کے اہم رہ نما ہلاک اور زخمی ہوئے۔
