یمن میں سرکاری فوج نے عوام مزاحمتی فورسز کی معاونت سے جنوبی مآرب میں متمرکز حوثی ملیشیا کے ٹھکانوں پر حملے کیے جن میں دشمن کو بھاری مالی اور جانی نقصان پہنچایا گیا۔
یمنی فوج کے آپریشنز کنٹرول روم کے چیئرمین میجر جنرل ناصر الذیبانی کی طرف سے جاری ایک بیان میں کہا گیا ہے کہ فوج اور مزاحمتی فورسز نے حوثی ملیشیا کو بھاری جانی اور مالی نقصان پہنچایا ہے۔
قبل ازیں بدھ کے روز یمنی فوج نے جنوبی مآرب میں حریب کے محاذ پر متمرکز حوثیوں کے ٹھکانوں پرحملہ کر کے باغیوں کو پسپا کر دیا تھا۔
ادھر یمن کی آئینی حکومت کی معاون عرب اتحادی فوج نے جنوبی مآرب میں متعدد مقامات پر حوثیوں کے ٹھکانوں پر حملے کیے اور ان حملوں میں حوثیوں کا ایک ٹینک، ایک بکتر بند گاڑی تباہ اور عملے کے تین ارکان ہلاک ہوگئے۔
