سیف الاسلام قذافی کی گرفتاری کے حوالے سے عالمی فوجداری عدالت کا نوٹفکیشن

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

عالمی فوجداری عدالت نے تمام ممالک سے مطالبہ کیا ہے کہ وہ لیبیا میں صدارتی امیدوار سیف الاسلام قذافی کی گرفتاری کے لیے عدالت کے ساتھ تعاون کریں۔ اس لیے کہ سیف الاسلام ابھی تک عالمی عدالت کو مطلوب ہیں۔

اتوار کے روز عالمی فوجداری عدالت نے کہا کہ لیبیا کے سابق سربراہ معمر قذافی کے بیٹے پر الزام ہے کہ انہوں نے 2011ء میں اپنے والد کی حکومت کے خلاف عوامی احتجاج کو کچلنے کی کوشش میں "انسانیت کے خلاف جرائم" کا ارتکاب کیا۔ عدالت نے باور کرایا کہ سیف الاسلام کے خلاف جاری گرفتاری کا وارنٹ اب بھی نافذ العمل ہے اور اس کی قانونی حیثیت تبدیل نہیں ہو گی۔

واضح رہے کہ سیف الاسلام قذافی کے منظر عام پر آنے اور کرسی صدارت کی دوڑ میں ان کی بطور امیدوار نامزدگی سے لیبیا کے سیاسی حلقوں میں ایک تنازع کھڑا ہو گیا ہے۔ فروری 2011ء کے انقلاب میں شامل سیاسی قوتوں نے مستقبل میں معمر قذافی کے بیٹے کے پاس کسی بھی حکومتی منصب ہونے کی مخالفت کر دی ہے۔ ان قوتوں نے انتخابات کے بائیکاٹ اور اس کے اجرا کو روکنے کی تیاری کا اعلان کر دیا ہے۔

مقبول خبریں اہم خبریں

مقبول خبریں