مغربی کنارے میں فوجی کی غلطی سے 2 افسران ہلاک ہو گئے : اسرائیلی فوج

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

اسرائیلی فوج نے ایک اعلان میں بتایا ہے کہ آج جمعرات کے روز مقبوضہ مغربی کنارے میں اس کے ایک عسکری کیمپ کے اندر فوجی اہل کار کے ہاتھوں غلطی سے دو فوجی افسران ہلاک ہو گئے۔

عسکری بیان میں واقعے کی تفصیلات نہیں بتائی گئیں۔ اسرائیلی میڈیا کے مطابق یہ واقعہ اسپیشل فورسز کے ایک یونٹ میں پیش آیا۔

رپورٹوں کے مطابق اسرائیلی فوجی نے فلسطینی حملہ آور سمجھ کر غلطی سے دونوں افسران پر فائرنگ کر دی۔ اس سے قبل مقتول افسران نے انتباہی ہوائی فائرنگ کی تھی۔

اسرائیلی اخبار "یروشلم پوسٹ" کے مطابق وزیر دفاع بینی گینٹز کا کہنا ہے کہ فوج غلطی سے واقع ہونے والی دو افسران کی موت کی جامع تحقیقات کر رہی ہے۔

اسرائیلی فوج کے سربراہ نے بھی آج صبح جائے حادثہ کا دورہ کیا۔

مقبول خبریں اہم خبریں

مقبول خبریں