.

سعودی شاہ سلمان اور ولی عہد شہزادہ محمد کی شیخ محمد کویواے ای کا صدربننے پرمبارک باد

پہلی اشاعت: آخری اپ ڈیٹ:

سعودی عرب کے شاہ سلمان اور ولی عہد شہزادہ محمد بن سلمان نے شیخ محمد بن زاید آل نہیان کو متحدہ عرب امارات کا صدر منتخب ہونے پر مبارک باد دی ہے۔

سعودی وزارت خارجہ کی جانب سے ہفتے کے روز جاری کردہ بیان کے مطابق سعودی قیادت نے کہا کہ وہ نئے صدر کے ساتھ مل کر دوطرفہ تعلقات کومزید مضبوط بنانے اور دونوں ممالک کے درمیان مختلف شعبوں میں تعلقات کو فروغ دینے کے منتظر ہیں۔

قبل ازیں متحدہ عرب امارات کی وفاقی سپریم کونسل نے ابوظبی کے ولی عہد شیخ محمد بن زاید آل نہیان کو ملک کا نیا صدر منتخب کر لیا ہے۔

ان کا انتخاب ان کے بھائی شیخ خلیفہ بن زاید آل نہیان کے جمعہ کو انتقال کے بعد عمل میں آیا ہے۔61 سالہ شیخ محمد اپنے والد شیخ زاید آل نہیان مرحوم اور بھائی شیخ خلیفہ کے بعد متحدہ عرب امارات کے تیسرے صدر بن گئے ہیں۔

یواے ای میں شیخ خلیفہ بن زایدکی وفات پر 40 روزہ سوگ منایا جا رہا ہے۔اس دوران میں ملک بھر میں کاروبار بند رہیں گے اورمرحوم صدر کے سوگ میں تفریحی سرگرمیاں معطل رہیں گی۔

دبئی میں الیکٹرانک بل بورڈز میں جمعہ کی رات شیخ خلیفہ مرحوم کی تصویردکھائی گئی تھی اور نجی اور سرکاری عمارتوں پر قومی پرچم سرنگوں تھے۔

مقبول خبریں اہم خبریں