مسجد حرام میں ’’سمارٹ روبوٹس‘‘ خواتین کو فتوی سروس فراہم کریں گے

اردو سمیت 11 دیگر زبانوں میں خواتین کے شرعی مسائل سے آگاہی کا منفرد انتظام کیا گیا ہے

پہلی اشاعت: آخری اپ ڈیٹ:
مطالعہ موڈ چلائیں
100% Font Size

حرمین شریفین کی انتظامیہ نے مسجد الحرام میں خواتین کو شرعی مسائل بتانے اور مذہبی استفسارات کے جواب دینے کے لیے خصوصی ڈیجیٹل سکرینز کا بندوبست کیا ہے۔ حرم شریف میں ان مقامات پر جو خواتین کی نماز کے لیے مختص ہیں میں خصوصی سکرینز کا اہتمام کیا گیا ہے۔

تفصیلات کے مطابق یہ ڈیجیٹل سکرینز وائی فائی سسٹم سے مربوط ہیں۔ زائر خواتین کو عمرہ، زیارت اور نماز کے حوالے سے تمام ضروری سوالات کے جواب فراہم کیے جاتے ہیں۔ مسائل کے جوابات دینے کے لیے ممتاز علما اور یونیورسٹیوں کے اساتذہ کی خدمات فراہم کی گئی ہیں۔

سمارٹ روبوٹس کے ذریعے خواتین کے لیے فتوی کا حصول آسان ہو گیا
سمارٹ روبوٹس کے ذریعے خواتین کے لیے فتوی کا حصول آسان ہو گیا

ٹچ ڈیجیٹل سکرینز 21 انچ کی ہیں۔ اردو، عربی، انگریزی، فرانسیسی، روسی، فارسی، ترکی، چینی، بنگالی، ہوساوی اور ملاوی زبانوں میں دینی معلومات اور مذہبی استفسارات کے جواب مہیا ہوں گے۔ ڈیجیٹل سکرینز کی خاصیت یہ ہے کہ اس کا ڈیزائن نیا ہے۔

اسکرینز کو ایک جگہ سے دوسری جگہ منتقل کرنا آسان ہے۔ حرم شریف کے ایک، ایک حصے میں شرعی مسائل کے جواب دینے کے لیے موثر ترین عصری ذریعہ ہے۔ اس میں نصب کیمرے نہایت شفاف ہیں۔ آس پاس کے مناظر کی تفصیلات تک اجاگر کردیتے ہیں۔ انتہائی حساس ساونڈ سسٹم کے ذریعے استفسار کرنے والے یا کرنے والی اور جواب دینے والے کی آواز ایک دوسرے تک بھرپور طریقے سے سنی جاسکے گی۔

مقبول خبریں اہم خبریں