سعودی پاسپورٹ میں کن فوٹو گرافروں کی تصاویر شامل کی گئی ہیں؟

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

سعودی عرب کے نئے پاسپورٹ کےاندرونی صفحات پرمملکت کے دو مشہور فوٹو گرافروں ظاہر الشہری اور عماد الحسینی کی سعودی عرب کے تاریخی مقامات کی تصاویر شامل کی گئی ہیں۔

اسی تناظر میں الشہری نے اپنے ٹویٹر اکاؤنٹ پر ایک ٹویٹ شائع کی جس میں انہوں نے نئے سعودی پاسپورٹ میں شامل کرنے کے لیے ان کی لی گئی تصویر کو منتخب کرنے پر مسرت کا اظہار کیا۔

انہوں نے انکشاف کیا کہ وزارت خزانہ کی پبلک ریونیو ایجنسی سے شکریہ کا سرٹیفکیٹ حاصل کیا ہے کیونکہ حکومت نے ملک میں اہم علامات کی لی گئی تصاویر کو قومی پاسپورٹ میں شامل کیا ہے۔

عماد الحسيني
عماد الحسيني

دوسرے فوٹو گرافر الحسینی کو بھی شکریہ کا سرٹیفکیٹ پیش کیا گیا۔ انہوں نے العربیہ ڈاٹ نیٹ کو بتایا کہ انہیں پاسپورٹ کے استعمال کے لیے تصاویر لینے کا کام سونپے جانے پر خوشی ہے۔ انہوں نے مزید کہا کہ میری خوشی اس وقت مکمل ہو گئی جب مجھے پتا چلا کہ میری لی گئی تصاویر کو سعودی عرب کے پاسپورٹ پر پرنٹ کیا گیا ہے۔

انہوں نے مزید کہا کہ یہ اعزاز "کسی بھی فوٹوگرافر کے لیے غیر معمولی ہے۔ کسی فوٹو گرافرکی تصاویر پاسپورٹ پر شائع ہونا ایک خواب ہے۔ مجھے یقین نہیں آتا کہ میری تصاویر کو اتنی زیادہ اہمیت دی جائے گی۔

الحسینی نے حکومت کا بھی شکریہ کیا اور کہا کہ مجھے ایسی تصاویر حاصل کرنے پر فخر اور خوشی ہے کہ محرمین شریفین کے نئے پاسپورٹ کے صفحات پر میری تصاویر کو جگہ دی گئی ہے۔ یہ اعزاز ہے کہ میری تصاویر پر مشتمل پاسپورٹ ملک کے بیس ملین شہری حاصل کریں گے۔

الحسینی نے وضاحت کی کہ انہوں نے 14 سال قبل فوٹو گرافی میں اپنے کیریئر کا آغاز کیا تھا اور آج یہ سفر ان کے لیے ایک بڑے اعزاز کا باعث بن گیا ہے۔

مقبول خبریں اہم خبریں

مقبول خبریں