.

اصل "سپرمین" جس نے بُزرگ خاتون کوتیز رفتار ٹرین سے بچایا:ویڈیو دیکھیے

پہلی اشاعت: آخری اپ ڈیٹ:

’سپرمین‘ کا ایک فرضی ہیرو فلموں میں تو اکثر لوگوں نے دیکھا ہوگا مگر بھارت میں ایک شخص نے حقیقی معنوں میں ’سپرمین‘ کا کردار ادا کرتے ہوئے ایک بزرگ خاتون کو ریلوے لائن پر تیز رفتار ٹرین سے بچایا۔

سوشل میڈیا پر وائرل ہونے والی ویڈیو میں دیکھا جا سکتا ہے کہ ایک بزرگ خاتون ریلوے لائن پار کرنے کی کوشش کررہی ہیں مگران سے چلا نہیں جا رہا ہے۔ دوسری طرف ایک تیز رفتار ٹرین بھی آ رہی ہے۔ ایسے میں قریب کھڑے ایک شخص نے خاتون کو حادثے سے بچانے کے لیے آوازیں دیں مگر آخر کار اسے خود اپنی جان خطرے میں ڈال کرخاتون کو بچانے کے لیے آگے بڑھا۔

مانیٹرنگ کیمروں میں محفوظ ہونے والی ویڈیو میں دیکھا جا سکتا ہے کہ انڈین ریاست اتر پردیش میں ریلوے کا ایک سیکیورٹی اہلکار ایک بزرگ خاتون کو کیسے بچا رہا ہے۔

فوٹیج میں دکھایا گیا ہے کہ کس طرح بوڑھی خاتون کوپولیس اہلکار نے ایکسپریس ٹرین کے ریلوے پلیٹ فارم پرآنے سے چند لمحے قبل کراسنگ کے خطرے سے خبردار کیا تھا، لیکن بزرگ خاتون کو وارننگ کے خطرات کا پوری طرح احساس نہیں تھا۔ اس نے پٹڑی عبورکرنے کی کوشش کی۔ جس پر سیکیورٹی اہلکار نے فوری مداخلت ک اورجھپٹ کر بچا لیا۔

دوسری طرف بھارتی وزارت ریلوےنے اپنے ٹویٹر اکاؤنٹ پر تبصرے کے ساتھ کلپ شائع کیا جس میں لکھا تھا۔اس خاتون کی جان اسٹیشن پولیس کی چوکسی اور رفتار کی بدولت بچ گئی۔

مقبول خبریں اہم خبریں