بھارتی کسٹمز نے سعودی عرب سے سونا سمگل کرنے کی کوشش ناکام بنا دی

بھارتی حکام نے دعویٰ کیا ہے کہ سعودی عرب سےبھارت پہنچنے والے ایک مسافر کے پاس سے غیر قانونی طور پر منتقل کیا جانے والا تقریبا 500 گرام سونا برآمد کیا ہے۔

بھارتی حکام کے مطابق دمام سے دہلی جانے والے مسافر نے اپنے سامان میں 28 ہزار ڈالر مالیت کا سونا چھپا رکھا تھا۔ اس شخص کو 21 جون کو حراست میں لیا گیا اور اس سے تحقیقات کی جارہی ہیں۔

کسٹم حکام کے مطابق دنیا بھر سے مسافر بھارت میں سونا سمگل کرنے کی کوشش کرتے رہتے ہیں جن کو پکڑ لیا جاتا ہے۔

اس سے پہلے ماہ اپریل کے دوران دبئی سے آنے والے ایک مسافر سے 74 ہزار ڈالر مالیت کا سونا اور 38 ہزار ڈالر کیش برآمد کیا گیا تھا۔

اپریل کے دوران ہی بھارتی کسٹم حکام نے بریف کیس میں نقد رقم بھر کر دبئی جانے والے ایک شخص کو حراست میں لیا تھا۔