پاسداران انقلاب کو دہشت گردی کی فہرست سے نکالنا ویانا مذاکرات کا حصہ نہیں: امریکا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
3 منٹس read

امریکی محکمہ خارجہ کی ترجمان نے کہا ہےکہ جوہری معاہدے کی تجویز پر ایران کی تجاویز موصول ہونے کے بعد امریکہ یورپی یونین کے ساتھ ایران کے ردعمل کے بارے میں اپنے خیالات کا تبادلہ کر رہا ہے، تاکہ تہران کی جانب سے واشنگٹن سے لچک دکھانے کا مطالبہ کرنے کے بعد 2015 کے معاہدے کو بچایا جا سکے۔

ترجمان نے مزید کہا کہ ایرانی پاسداران انقلاب کو دہشت گردوں کی فہرست سے نکالنا ویانا مذاکرات کا حصہ نہیں ہے۔

یورپی یونین کے ایک ترجمان نے منگل کو برسلز میں صحافیوں کو بتایا کہ اس وقت ہم معاہدے کے لیے 'حتمی تجویز' کا مطالعہ کر رہے ہیں اور ہم JCPOA کے دیگر شرکاء اور امریکا کے ساتھ آگے بڑھنے کے لیے مشاورت کر رہے ہیں۔

اس نے ویانا میں ہونے والے مذاکرات کو منظم کرنے والی یورپی یونین کی طرف کوئی ٹائم فریم دینے سے انکار کر دیا۔

امریکا اور ایران کے درمیان 16 ماہ کے وقفے وقفے سے اور بالواسطہ بات چیت کے بعد یورپی یونین کے ایک سینیر اہلکار نے 8 اگست کو کہا کہ بلاک نے ایک "حتمی" پیشکش کی ہے اورچند ہفتے میں اس کے جواب کی توقع ہے۔

ایران نے پیر کو دیر گئے اس تجویز کا جواب دیا، لیکن نہ تو تہران اور نہ ہی یورپی یونین نے جواب کے مواد کے بارے میں کوئی تفصیلات فراہم کیں۔

تین حل طلب مسائل

ایرانی وزیر خارجہ نے امریکا سے مطالبہ کیا کہ وہ باقی تین مسائل کے حل کے لیے لچک کا مظاہرہ کرے۔ انہوں نے اشارہ دیا کہ تہران کا ردعمل حتمی طور پر قبول یا مسترد نہیں ہوگا۔

واشنگٹن نے کہا ہے کہ وہ یورپی یونین کی تجاویز کی بنیاد پر 2015 میں طے پانے والے معاہدے کو بحال کرنے کے لیے فوری طور پر ایک معاہدہ کرنے کے لیے تیار ہے۔

سفارت کاروں اور حکام نے خبر رساں ادارے رائیٹرز کو بتایا کہ چاہے تہران اور واشنگٹن یورپی یونین کی جانب سے "حتمی" پیشکش کو قبول کریں یا نہ کریں اس بات کا امکان نہیں ہے کہ دونوں میں سے کوئی بھی معاہدے کو ناکامی قرار دے گا کیونکہ اسے بحال کرنے سے دونوں فریقوں کے مفادات کی تکمیل ہوتی ہے۔

سنہ 2018 ءمیں امریکی صدر ڈونلڈ ٹرمپ نے اپنے عہدہ سنبھالنے سے پہلے جوہری معاہدے سے دستبرداری اختیار کی۔ انہوں نے ایران کو دی جانے والی نرمی ختم کرتے ہوئے مزید سخت پالیسی اپنانے کا اعلان کیا تھا۔

مقبول خبریں اہم خبریں

مقبول خبریں