سعودی عرب: حفر الباطن میں لڑکی پر تشدد میں ملوث ملزم گرفتار

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

گذشتہ گھنٹوں کے دوران سوشل میڈیا پر وائرل ہونے والی ایک ویڈیو میں ایک خاتون کو اس کے ایک رشتہ دار کی طرف سے تشدد کا نشانہ بنائے جانے کے واقعے پر پراسیکیوٹر جنرل نے نوٹس لیتے ہوئے ملزم کی گرفتاری کا حکم دیا تھا۔ پولیس نے کارروائی کرتے ہوئے ملزم کو گرفتار کرلیا ہے۔

ایسٹرن ریجن پولیس کے میڈیا ترجمان نے وضاحت کی کہ سماجی رابطوں کی ویب سائٹس پر ایک لڑکی کے تشدد کا نشانہ بننے کی ویڈیو گردش کرنے کے بعد حفر الباطن گورنری پولیس نے سرچ آپریشن شروع کردیا۔ تلاشی کے دوران ملزم کو حراست میں لے لیا گیا۔

پبلک پراسیکیوشن کے ایک سرکاری ذریعے نے انکشاف کیا کہ پارلیمانی مانیٹرنگ سینٹر کی جانب سے بدسلوکی کی اس ویڈیو کی نشاندہی کے بعد اس میں خاتون پر تشدد کرنے والے شخص کو تلاش کرنے اور اسے گرفتار کرنے کا حکم دیا گیا تھا۔

پولیس نے فوری کارروائی کرتے ہوئے ملزم کی شناخت کی اور اسے گرفتار کر لیا۔ تشدد کا شکار خاتون کو اسپتال منتقل کیا گیا تھا اور اسے فوری طبی امداد فراہم کی گئی تھی۔

مقبول خبریں اہم خبریں

مقبول خبریں