شاہ سلمان اور ولی عہد محمد کی ملکہ الزبتھ دوم کی وفات پر کنگ چارلس سے تعزیت

ملکہ الزبتھ نے ساری زندگی اپنے وطن کی خدمت کی، وفات کی خبر پر مغموم ہوں: محمد بن سلمان

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

خادم حرمین شریفین شاہ سلمان بن عبد العزیز آل سعود نے متحدہ سلطنت اور شمالی آئرلینڈ کے کنگ چارلس کو ملکہ الزبتھ دوم کی وفات پر تعزیت کا پیغام بھیجا ہے۔

شاہ سلمان نے کہا ہمیں عظیم برطانیہ متحدہ سلطنت اور شمالی آئر لینڈ کی ملکہ الزبتھ دوم کی وفات کی دکھ بھری خبر ملی ہے۔

آنجہانی قیادت کا ایک ایسا نمونہ تھیں جن کی تاریخ میں مثال نہیں ملتی۔ ہم دونوں ملکوں کے درمیان بہترین تعلقات اور تعاون کیلئے ان کی فقید المثال جدوجہد کو قدر کی نگاہ سے دیکھتے ہیں۔ اپنے دوست ملک کے تخت پر دہائیوں تک حکمرانی کرنے والی ملکہ ہمیشہ یاد رکھی جائیں گی۔

ملکہ الزبتھ سعودی ولی عہد کا خیر مقدم کرتے ہوئے
ملکہ الزبتھ سعودی ولی عہد کا خیر مقدم کرتے ہوئے

غم کی اس گھڑی میں ہم آپ سے، عظیم برطانیہ کی متحدہ سلطنت اور شمالی آئرلینڈ کی عوام کو اپنی گہری تعزیت اور دلی ہمدردی کا اظہار کرتے ہیں۔ ہم متمنی ہیں کہ آپ کو کسی ناپسند حالات کا سامنا نہ کرنا پڑے۔

سعودی ولی عہد محمد بن سلمان بن عبد العزیز آل سعود نے بھی کنگ چارلس سوم کو ملکہ الزبتھ دوم کی وفات پر اپنا تعزیتی اور دلی ہمدردی کا پیغام ارسال کیا۔

ولی عہد نے کہا کہ ملکہ برطانیہ الزبتھ دوم کی وفات کی خبر نے مجھے غم زدہ کر دیا ہے۔ انہوں نے ساری زندگی اپنے ملک کی خدمت کی ہے۔ ان کی حکمت، محبت اور امن کا درس ان کی جلالت شان کو بیان کر رہا۔ آج دنیا ان کے زندگی بھر کے عظیم کارناموں کو یاد کرتی ہے۔

شاہی خاندان کے افراد، آپ اور آپ کے ملک کی عوام سے اپنی گہری تعزیت اور ہمدردی کا اظہار کرتے آپ کی صحت اور سلامتی کا خواہش مند ہوں۔

مقبول خبریں اہم خبریں

مقبول خبریں