.

الریاض میں برادراوردوست ممالک کے نئے سفیروں نے شاہ سلمان کوسفارتی اسناد پیش کردیں

پہلی اشاعت: آخری اپ ڈیٹ:

خادم الحرمین الشریفین شاہ سلمان بن عبدالعزیزآل سعود نے سعودی ولی عہد شہزادہ محمد بن سلمان کی موجودگی میں الریاض میں تعینات برادراور دوست ممالک کے متعدد سفیروں سے اسناد وصول کی ہیں۔

سعودی عرب میں حال ہی میں متعیّن ہونے والے سوشلسٹ عوامی جمہوریہ سری لنکا کے سفیر پی ایم امزا،ڈومینیکن ری پبلک کے سفیر(غیر رہائشی) جولیو سائمن کاسٹانوس زویان، مملکت اسپین کے سفیرجارج ہیویا،جمہوریہ گنی بساؤ کے سفیردینوسیدی،جمہوریہ انڈونیشیا کے سفیرڈاکٹرعبدالعزیزاحمد، جمہوریہ پرتگال کے سفیرنونومیتھیاس،جمہوریہ پیرو کے سفیرکارلوس روڈولفوزپاٹا لوپیز،جمہوریہ بینن کے سفی ایڈم زکری باگوڈو،بحرین کے سفیر شیخ علی بن عبدالرحمٰن بن علی آل خلیفہ ،جمہوریہ کرغیزستان کے سفیراُلغ بیگ ماریپوف،اسلامی جمہوریہ پاکستان کے سفیر امیرخرم راٹھور،عوامی جمہوری الجزائر کے سفیر محمد علی بوغازی۔ اور سوشلسٹ جمہوریہ ویت نام کے سفیر ڈانگ شوان ڈونگ نے خادم الحرمین الشریفین شاہ سلمان بن عبدالعزیز آل سعود کو اپنی سفارتی اسناد پیش کی ہیں۔

شاہ سلمان نے سفارتی اسناد وصول کرنے کی تقریب میں مملکت میں ان نئے سفیروں کا خیرمقدم کرتے ہوئے ان کے ممالک کے رہ نماؤں کو مبارک باد پیش کی اور سعودی عرب اوران کے ممالک کے درمیان تعلقات کو مضبوط بنانے اور فروغ دینے کے لیے نیک تمناؤں کا اظہار کیااوربہ طور سفیر ان کی کامیابی کی دعا کی۔

غیرملکی سفیروں نے خادم الحرمین الشریفین کواپنے اپنے ممالک کے رہ نماؤں کی جانب سے مبارک باد پیش کی اورگرم جوش،والہانہ اور فراخدلانہ مہمان نوازی پر شاہ سلمان کا شکریہ ادا کیا۔

اس تقریب میں سعودی عرب کے متعدد سینیرعہدے داربھی شریک تھے۔

مقبول خبریں اہم خبریں