.

نماز جمعہ کے بعد کابل کی مسجد کے باہر دھماکہ، چار افراد جاں بحق

پہلی اشاعت: آخری اپ ڈیٹ:

افغان دارالحکومت کابل میں نماز جمعہ کے بعد مسجد کے باہر دھماکہ ہوا جس کے باعث چار افراد جاں بحق اور دس افراد زخمی ہوگئے۔

کابل پولیس کے ترجمان خالد زدران کے مطابق "نماز جمعہ کے بعد جب لوگ مسجد کے باہر نکل رہے تھے تو اس دوران دھماکہ پیش آیا جس میں قیمتی جانوں کا نقصان ہوا ہے۔"

اطالوی این جی او کے زیر اہتمام چلنے والے ایمرجنسی اسپتال کے ذرائع کے مطابق اسپتال میں 14 افراد کو لایا گیا جن میں 4 افراد جانبر نہ رہ سکے۔

وزیر اکبر خان کا علاقہ کابل کے حساس علاقے میں موجود ہے جسے گرین زون کہا جاتا تھا۔ اس علاقے میں بہت سے غیر ملکی سفارتخانے اور دیگر اہم عمارتیں موجود ہیں۔

اس مسجد کو اس سے پہلے جون 2020 میں طالبان کے اقتدار سنبھالنے سے پہلے بھی نشانہ بنایا گیا تھا جس میں مسجد کے امام جاں بحق ہوگئے تھے جبکہ کئی نمازی زخمی ہوئے تھے۔

مقبول خبریں اہم خبریں