بیٹوں کو لڑنے کیلئے بھیجنے کا انعام، پوتین نے قادروف کو جنرل بنا دیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

روسی صدر پوتین کے اتحادی چیچن صدر قادروف نے 5 ستمبر کو اعلان کیا کہ انہیں روسی فوج کے اعلی فوجی عہدے پرترقی دے دی گئی ہے۔ یاد رہے یہ پیش رفت اس وقت سامنےآئی ہے جب روسی فوج کو یوکرین میں سلسلہ وار ناکامیوں کا سامنا کرنا پڑا اور قادروف نے اپنے 3 بیٹوں کو لڑنے کیلئے محاذ جنگ پر بھیجنے کا اعلان کیا تھا۔

46 سالہ چیچن قادروف رہنما یوکرین پر روسی حملے کے سب بے بڑے حامی ہیں۔ رمضان قادروف نے کہا یہ میرے لئے بہت بڑا عزاز ہے۔

’’مجھے ذاتی طور پر بتایا‘‘

چیچن رہنما قادروف نے کہا روسی صدر پوتین نے انہیں اپنے فیصلے سے ذاتی طور پر آگاہ کیا ہے۔ انہوں نے ٹیلی گرام پر کہا روسی صدر نے مجھے کرنل جرنل کے عہدے پر ترقی دی ہے۔ یہ میرے لیے ایک پروموشن ہے۔ یاد رہے کرنل جرنل کا عہدہ روسی فوجی عہدوں کی کی سیریز میں تیسرے رینک پر آتا ہے۔

واضح رہے قادروف کی یہ ترقی اس وقت میں ہو ئی ہے جب یوکرینی فوج نے روسی فوج کو قبضہ کئے گئے کئی علاقوں سے واپس دھکیل دیا ہے۔

بیٹوں کو لڑنے کے لئے بھیجا

چیچن رہنما نے مزید کہا کہ وہ کریملن کی اصطلاح کا استعمال کرتے ہوئے "خصوصی فوجی آپریشن کو فوری ختم کرنے کے لیے سب کچھ کریں گے۔"

اہم بات یہ ہے کہ قادروف نے روس کو یوکرین میں انتہائی سخت گیر حربے استعمال کرنے کا کہا تھا۔ اس ہفتے لیمان قصبہ سے روسی فوج کی پسپائی پر انہوں نے کہا تھا کہ روس یوکرین پر تکنیکی جوہری ہتھیار استعمال کر ڈالے۔ اس کے بعد انہوں نے اپنے 14، 15 اور 16 سال کے تین بیٹوں کو لڑنے کیلئے بھیجنے کا اعلان کردیا ۔

مقبول خبریں اہم خبریں

مقبول خبریں